د تخنیکي او مسلکي زده کړو ادارې د اکاډمیکو چارو مرستیال د کابل د ښکلو هنرونو او میخانیکي انسټیټوټ څخه لیدنه وکړه
ښاغلی نورمحمد عزیزي؛ د تخنیکي او مسلکي زده کړو ادارې د اکاډمیکو چارو مرستیال د کابل ښار د ښکلو هنرونو او صنایع او همدارنګه میخانکې انسټیټونو څخه لیدنه وکړه.
په دې غونډه کې د زده کوونکو او زده کړیالانو چارو رئیس لعل پادشاه او د تعلیمي څارنې آمر احمد صمیم یعقوبي هم حضور درلود.
د تخنیکي او مسلکي زده کړو ادارې د اکاډمیکو چارو مرستیال؛ د یادو انسټیټونو له مسوولینو سره وکتل؛ ددې لیدنې موخه دا وه چې د یادو انسټیټونو د تولید او عوایدو په بڼه بدلولو لپاره یو ځانګړی طرحی جوړه کړی.
ښاغلي عزیزي همدا راز زیاته کړه: چې مونږ د ا.ا.ا ریاست الوزرا ته وړاندیز کوو چې د تخنیکي او مسلکي زده کړو ادارې انسټیټونو لپاره ځانګړی بودیجه په پام کې ونیسی، تر څو د اړتیا وړ خام مواد ورته برابر کړو.
هغه وويل: زه د خصوصي تولیدی سکټور سره هم خبرې کوم چې خپلې تجربې له موږ سره شريکې کړي، ترڅو زموږ تخنيکي انسټیټونه په توليدي او عايداتي کچه بدل شي.
د غونډې په پای کې د تخنیکي او مسلکي زده کړو ادارې د اکاډمیکو چارو مرستیال له دغه انسټیټونو له استادانو وغوښتل چې د تولیدي څانګو د اړتیاوو د برابرولو لپاره دې یو ځانګړی طرحه جوړه کړی.
